Prabu Kresnadwipayana (Abiyasa)

==> Versi Bahasa Jawa

Prabu Kresnadwipayana uga sinebut Prabu Rancakaprawa utawa Sutiknaprawa. Panjenengane duwe garwa telu yaiku:
*Dewi Ambika, peputra Raden Drestharastra, kang cacat wuta wiwit lair. Ya Raden Drestharastra iki sing garwane aran Dewi Gendari duwe anak cacahe satus kang sinebut Sata Kurawa.

*Dewi Ambalika, peputra Raden Pandhu, uga duwe cacat wiwit lair yaiku pucet lan tengeng. Ya Raden Pandhu iki kang garwane aran Dewi Kunthi sarta Dewi Madrim peputra Pandhawa sing cacahe lima lanang kabeh.

*Dewi Datri kaprenah adhine Dewi Ambika uga dadi garwane Prabu Kresnadwipayana, peputra Raden Yamawidura (Raden Widura).

==> Versi Bahasa Indonesia

Prabu Kresnadwipayana juga disebut Prabu Rancakaprawa atau Sutiknaprawa. Beliau mempunyai istri tiga jumlahnya, yaitu:

*Dewi Ambika, berputrakan Raden Drestharastra, yang cacat buta sejak lahir. Raden Drestharastra mempunyai istri yang bernama Dewi Gendari mempunyai anak seratus jumlahnya yang disebut Sata Kurawa (Seratus Kurawa).

*Dewi Ambalika, berputra Raden Pandhu, juga mempunyai cacat sejak lahir yaitu mempunyai wajah yang pucat dan berleher ''tengen''. Raden Pandhu beristrikan Dewi Kunthi dan Dewi Madrim dan mempunyai putra lima yang disebut Pandhawa.

*Dewi Datri yang masih termasuk adiknya Dewi Ambika (juga menjadi istrinya Prabu Krenadwipayana), berputra Raden Yamawidura (Raden Widura).

Read More

Kapustakan Jawa

# Kapustakan Jawa jaman Hindu - Majapahit - Demak - Pajang

Para pujangga lan karangane:
A. Jaman Hindu

1. Maha Bharata, karya Resi Wiyasa
2. Ramayana, karya Resi Walmiki
3. Arjuna Wiwaha, karya Empu Kanwa
4. Kresnayana, karya Triguna
5. Bharata Yuda, karya Empu Sedah dan Empu Panuluh
6. Gathutkacasraya, karya Empu Panuluh
7. Swara Dahana, karya Empu Darmaja
8. Kretasancaya, karya Tan Akung

B. Jaman Majapahit

1. Negara Kertagama, karya Empu Prapanca
2. Sutasoma, karya Empu Tantula 

C. JamanDemak - Pajang

1. Suluk Wujil, karya Sunan Bonang
2. Suluk Malang Sumirang, karya Sunan Panggung
3. Niti Sruti, karya Pangeran Karanggayam

Read More

Rama Wiwaha

Kacariyos, Prabu Rama punika sejatosipun dewa. Asmanipun Wisnu. Panjenenganipun manjanma dados manungsa tumurun saking kahyangan dhateng donya. Sadaya kalawau awit panyuwunipun para dewa sanesipun, amargi para dewa boten tentrem dipunganggu dening Nata Alengka inggih punika Dasamuka utawi Rahwana.

Salah satunggaling dinten, Prabu Rama tuwn Lesmana nembe ngumbara dhateng pundi-pundi, njajah dhusun nasak wana, dumugi nagari sanes. Nalika semanten nglangkungi nagari Widheha utawi Manthili. Ratu utawi rajanipun kaparingan asma Janaka. Kaleresan ing Nagari Manthili saweg ngawontenaken sayembara. Sinten ingkang saged menthang gandhewa pusaka kraton, badhe kapundhut mantu, pikantuk putranipunputri ingkang kaparingan asma Shinta.

Kathah ingkang tumut sayembara. Sadaya sami nyobi menthang gandhewa, sami ngedalaken karosanipun nanging boten sami kasil. Punapa malih menthang, njunjung kemawon boten kiyat. Nanging dumugi giliranipun Rama, gandhewa dipunjunjung lon-lonan, lajeng kapenthang kanthi gampil. Sakala gandhewa tugel tengah. Swantenipun gumludhug, kados mbudhegaken talingan. Ingkang sami ningali manahipun sami gumun. Minangka bebungahipun sayembara, pramila Rama pikantuk Ayu Shinta.

Upacara wiwaha mawi cara agengan utawi rame-rame. Dangunipun ngantos pinten-pinten dinten. Sasampunipun anggenipun gadhah damel bibar, kekalihipun lajeng kaboyong saking Nagari Widheha/Manthili dhateng nagari Kosala. Ing Nagari kasebutpenganten kekalih dipunsubya-subya mawi pahargyan mawarni-warni.

(saking Marsudi Basa lan Sastra Jawa;gambar saking google.com)

Read More

Lampahan-lampahan ing Pustaka Raja Purwa

Jilid 1-37

1. Manikmaya = nyariyosaken lairipun Manik lan Maya. Manik punika Bathara Guru, Maya punika Ismaya (Semar). Bathara Guru nguwaosi Kahyangan. Semar tumurun dhateng Marcapada. Nyariyosaken lairipun para dewa tuwin widadari.
2. Ngruna-ngruni = nyariyosaken Prabu Sengkan turunan saking nagari Parangsari arsa ngayunaken dewi Angruna lan Angruni.
3. Watugunung = nyariyosaken Raden Buduk (Radite) nata Gilingwesi lajeng krama kaliyan ibunipun piyambak sesilih dewi Shinta patutan putra cacah 28. Wusana sami musna dados naminipun wuku 30.
4. Mumpuni = nyariyosaken dewi Mumpuni krama kaliyan Bathara Yamadipati nanging lajeng rinebat dening Bathara Naga Tamala. Lajeng ugi rebatan kaliyan Srigati Putranipun Bathara Wisnu ing Mendhangkamulan. Nanging wekasan dewi Mumpuni krama kaliyan Naga Tatmala.
5. Pakukuhan = nyariyosaken Prabu Pakukuhan/Prabu Kanu/Prabu Sri Mahapunggung ing Purwacarita perang lumawan Prabu Dewaisa nata Gilingwesi. (wonten candhakipun)

Read More

Tata Cara Adat Jawa

Tata cara adat Jawa iku werna-werna saka sajrone kandhutan tumekane pati. Tata cara adat kalebu gugon tuhon. Gugon tuhon iku lumrah dilaksanakake dening wong-wong sing percaya. Wong sing percaya lumrahe padha nggugu lan mituhu marang sakabehe ila-ilane leluhur. Ancas tujuane nglaksanakake tatacara mau murih rahayu lakune panguripan lan bisa katekan apa kang dadi sedyane.

Tata cara adat Jawa kaperang dadi 3 golongan:

• Tata cara adat saka kandhutan - bocah

• Tata cara adat saka bocah - diwasa

• Tata cara kematian

                                                                

Werna-werna Tata Cara Adat Jawa, ing antarane yaiku:

1. Ngupati = wilujengan kandhutan umur 4 sasi
2. Mitoni   = wilujengan kandhutan umur 7 sasi
3. Brokohan = wilujengan bayi lair
4. Sepasaran = wilujengan bayi umur sepasar
5. Selapanan = wilujengan bayi umur selapan
6. Tedhak siten = wilujengan bayi umur 7 lapan / 7 sasi
7. Tetesan = wilujengan bocah wadon sing lagi nggarap sari sepisan
8. Khitanan = wilujengan bocah lanang sing lagi dikhitan
9. Palakrama/nambut silane akrami = nikahan, perkawinan
10. Surtanah = wilujengan kepaten (geblake)
11. Mitung dina = wilujengan kepaten 7 dina
12. Matang puluh = wilujengan kepaten 40 dina
13. Mendhak (1) = wilujengan kepaten setaun
14. Nyewu = wilujengan kepaten 1000 dina
15. Midadarani = wengi sadurunge pala krama

(Sumber gambar saka:http://www.tembi.org/tembi/mitoni01.htm)

Read More

Gugon Tuhon

Gugon = wewatakan sing gampang banget, nggugu marang guneme wong utawa dongengan.
Tuhon = sipat utawa wewatakan sing gampang mituhu manut marang guneme wong utawa dedongengan. 

Dadi gugon tuhon iku watak kang gampang banget nggugu lan manut guneme wong utawa dedongengan sing maune ora perlu digugu amarga ora ana bukti nyatane. Para maca disumanggaaken "pracaya mangga maido kena". Manut wong-wong sing nggugu marang gugon tuhon mratelakake: yen ora nggugu marang gugon tuhon bakal nemu bebendu utawa sesiku kayata:

1. Dadi memangsane Bathara Kala
2. Bisa sengsara panguripane
3. Bisa anake entek mati
4. Bisa ora kedawa umure

Kanggo nebus kaluputane kudu disranani slametan, naggap wayang lakon "Murwa Kala" slametan kanggo ngilangi bebendu iku diarani "Mruwat". 

Read More

Crita Wayang

Crita wayang ana sing isih baku kasebut ana ing babon buku-buku sing wis ana, kalamangsane diowahi saprayogane. Ana uga crita wayang sing aran carangan. Carangan iku ing babon ora ana ganep, kaya unine ing carangan. Ning uga njupuk nyrempet sawenehing lelakon ing babon kono. Upamane crita "Bale sigala-gala", iku carangan, njupuk babon ing Serat Wiratha Parwa.

Saking pintere para dhalang lan uga kreatif, panjenengane bisa nganggit-anggit lakon anyar, iki jenenge crita rekan, upamane lakon "Semar Mantu".

Kang dianggep babon crita wayang:

1. Mahabharata
2. Ramayana
3. Baratayudha
4. Serat Rama
5. Pustaka Raja

Read More

Ringkesan Babagan Pacelathon

Pacelathon yaiku guneman antarane wong siji lan sijine, bisa wong loro, telu, utawa luwih kang lagi rembugan sawijining bab apa ta apa.

a.    Sapa bae sing bisa nindakake pacelathon?
       Coba tlitinen ing ing bebrayan!
Antarane :
- Bocah cilik karo bocah cilik.
- Bocah cilik karo sing wis dewasa.
- Bocah cilik karo wong tuwa.
- Diwasa karo diwasa.
- Wong tuwa karo diwasa.
- Wong tuwa karo wong tuwa.
- Anak karo wong tuwa, lsp.

b.    Basa apa bae kang digunakake menawa lagi padha rembugan?
Basane njumbuhake  (bahasanya menyesuaikan dengan siapa berbicara, keperluannya apa, dan dimana).
Upamane :
- Bocah cilik – bocah cilik (ngoko lugu),
- diwasa – diwasa (ngoko lugu),
- diwasa – sepuh / tuwa (krama alus),
- Sepuh – sepuh (krama alus, ngoko andhap),
- wong tuwa – bocah (ngoko lugu), lsp.

Read More