Nulis Surat Undhangan

Undhangan utawa ulem iku golongane layang iber-iber kang kaperang dadi loro, yaiku layang undhangan resmi lan layang undhangan kang asipat pribadi. Bedane biasane ana ing kop surat utawa kepala surat, nganggo nomer surat, tembusan, nganggo cap instansi utawa lembaga.
Undhangan utawa ulem kang asipat pribadi iku wujude werna-werna ana ulem sunatan, ulem mantenan, syukuran lan ulem ulang taun (ambal warsa). Ulem ulang taun antarane sing enom (bocah cilik) karo wong sing wis sepuh beda basane kudi digatekake bab unggah-ungguh basane.
Layang ulem iku layang kang surasane ngaturi kabar marang wong liya (kang dituju) dadi sesulih supaya kersa rawuh ing hajate sing ngulemi:
Perangane layang ulem umume:
1. Titimangsa
2. Salam pambuka/purwaka basa
3. Surasa basa/isi
4. Wasana basa/panutup
5. Peprenah
6. Jenenge sing ngulemi
7. Ndherek pangajeng ajeng

(ana candhake)

Read More

Contoh Undangan Berbahasa Jawa

Mesoyi, 21 November 2010

Mugi katur Bapak / Ibu
...
Warga Desa Mesoyi
Ing Palenggahan.


Assalamualaikum Wr. Wb.
Kanthi ngaturaken puja puji harja, kairing sagunging pakurmatan, kula angrantu rawuh panjenengan benjing:
Titi ari / dinten : Rabu
Titi mangsa : 24 November 2010
Titi wanci : 19.30 (ba’da Isya).
Mapan ing : Dalemipun Bapak pangarsa Desa Mesoyi (dalemipun Bapak Drajat).
Wigatosing sedya : Pirembagan program kerja KKN Lokasi Posdaya ing Desa Mesoyi.

Ing wasana kula ngaturaken agunging panuwun awit saking kawigatosan saha rawuh panjenengan.
Wassalamu’alaikum Wr. Wb.

Panyarta KKN,

Chafid

Read More